Ajansê xeberan ê Tasnimî eşkera kerd ke DYA’yî hêrişêk hewayî serê Girawa Larke ya ke Neqebê Hurmuzî de nuqtayêka stratejîk ê kontrolkerdişî trafîkê deryayî û vîyartişê enerjî ya, dest pêkerdo.
Şero ke mabênê DYA û Îranî de dewam keno de, DYA hêrişêko hewayî yê serê Girawa Larke ke seba kontrolkerdişê enerjî û trafîkê deryayî ya Îranî muhîmîyêka stratejîk esta, pê ard.
Ajansê Tasnimî eşkera kerd ke nêzdîyê saete 14: 48 de Girawa Larke bi fuzeyan kerde hedef. Goreyê agahîyanê ke şarê herême dayo, dorûverê girawa de vengê teqayîşanê girdan ameyo eşnawitene. Xebere de ame vatene ke girdîya hêrişî hîna nêameyo dîyar kerdene û eşkerayîya fermî ya rayedaran yeno pawene.
Girawa Larke, ke nêzdîyê Neqebê Hurmuzî ya girawêka qija la bi muhîmîya stratejîk yena şinasnayene. Rojhelatê girawa Qeşme û başûrê girawa Hurmuzî de ca gêna. Bi qasê 49 kîlometrekare gird a û girêdayeya şaristanê Hurmuzganî ya. Seba ke serê raya muhîm û neqlkerdişî petrolê dinya de ca gêna, kontrolkerdişê trafîkê deryayî ya Îranî de rolêko stratejîk kaykena.
Fermandarîya Merkezî ya Hêzanê DYA (CENTCOM) heta nika seba nê hêrişî eşkerayîyêka fermî nêkerda.
