Amed – Meclîsê Dayîkanê Aştîye yê Amedî seba prosesê aştîye, rewşa girewteyanê nêweşan, binpaykerdişê heqanê girewteyan û dergkerdişê înfazê girewteyan şono Ankara. Dayîkanê Aştîye wina vat: “Ma do Ankara de berê hepisxaneyan akerê.”
Meclîsê Dayîkanê Aştîye yê Amedî seba prosesê aştîye, rewşa girewteyanê nêweşan, binpaykerdişê heqanê girewteyan û dergkerdişê înfazê girewteyan şono Ankara. Dayîkî Parka Koşûyolû ya qezaya Rezanî ya Amedî de ameyî têhet û kewtî rayîrê do şêrê Ankara. Ê do seba azadîya Rayberê Şarê Kurdî Abdullah Ocalanî û girewteyanê sîyasîyan partîyanê sîyasîyan reyde pêvînayîşan bikerê. Amancê înan o bîn zî no yo ke prosesê aştîye bireso amancê xo.
Nameyê Dayîkanê Aştîye ser o Dayîka Aştîye Afîfe Karte qisey kerd. Afîfe Karte bale ante şîyayîşê înan ê Ankara ser û wina va: “Ma seba azadîya serekê xo, seba rewşa girewteyanê nêweşan, binpaykerdişê heqanê girewteyan û dergkerdişê înfazê girewteyan şonê. Ma nêwazenê ke êdî dayîkî bibermê. Wa aştîyêka daîmîye virazîya. Ma do Ankara de berê hepisxaneyan akerê.”
Badê qiseykerdişî Dayîkê Aştîye bi sloganê “Biciwîyo xoverdayîşê dayîkan” ameyî oxirkerdiş.
