Çewlîg de wesayîtêke kontrolê şoforî ra vejîya, bi berzîya nêzdîyê 600 metreyî ra seracêr gina newale ro. Netîceyê qeza de 4 kesî cuya xo ra bîyî, 5 kesî zî birîndar ê.
Qezaya Dara Hênî ya Çewlîgî de wesayîtêko bi plakaya 23 ABR 942 ke Mehmet Akgonulî ramitêne bi sebebê ke nedîyar rayîr ra vejîya û berzîya nêzdîyê 600 metreyî ra seracêr gina newale ro.
Badê ke agahîya hedîseyî ekîbê UMKE, AFAD, Îtfaye û cendirmeyan erşawitê cayê qeza.
Qeza de Hasan Bingol (21), Osman Aslan (10), Barış Ayvaz (15) û şofor Mehmet Akgonul (21) cuya xo ra bîyî.
Kesê ke birîndarî bî, Î.A., C.T., B.A., M.A. û A.B. bi ambulansan berdê newşxaneyê Dewlete ya Dara Hênî.
Ame zanayene ke rewşa birîndaran giran a û cuya înan binê tehlukeyî de ya.
