CENTCOM’î eşkera kerd ke bi amancê kêmîkerdişê hêrişanê Îranî yê serê Neqebê Hurmuzî, mîyanê di rojanê vîyarte de, zêdeyî 170ê merkezê leşkerî yê serê erdê îranî de ameyê pirodayene.
Fermandarîya Hêzanê Merkezî yê Amerîkayî (CENTCOM), hûmarê peyênî yê hêrişê serê Îranî vila kerd. CENTCOM’î eşkera kerd ke mîyanê di rojanê vîyartî de zêdeyî 170 merkezê leşkerî yê mîyanê erdê Îranî de ameye bombarûduman kerdene.
CENTCOM’î eşkera kerd ke sîstemê pawitişê hewayî, merkezê komkerdişê fuzeyan, dron û keştîyanê leşkerî yê cayê qeraxê nêzdîyê Neqebê Hurmuzî kerdê hedef. Ame eşkerakerdene ke hêriş seba kêmîkerdişê hêrişanê Îranî yê serê keştîyanê bazarganî yê Neqebê Hurmuzî yo.
Sewbîna Wezaretê Weşîye ya Îranî eşkera kerd ke hêrişanê mîyanê di rojanê vîyartî de 14 kesî ameyî kiştene û 78 kesî zî birîndar bîyê.
