Serekê Pêroyî yê Weqfê Furkanî Alparslan Kuytul û cinîya ey Semra Kuytul çarçewaya cipersayîşê Weqfê ser o ameyê girewtene.
Serdozgerîya Komare ya Edene derheqê Weqfê Furkanî de cipersayîş dabî dest pêkerdene. Çarçewaya cipersayîşî de Serekê Pêroyî yê Weqfê Furkanî Alpaslan Kuytul û cinîya ey Semra Kuytul zî mîyan de 56 kesî amebî destbendkerdene. Destbendkerdeyî vizêrî sewqê edlîyeyî kerdî. Hîrê kesî badê îfadeyan ameyî veradayene. Alpaslan Kuytul û Semra Kuytul ameyê girewtene. Karûbarê îfadeyê 51 kesan edlîye de dewam kenê.
