Hevserokê berê yê Şaredariya Bajarê Mezin a Amedê Selçûk Mizrakli van kêliyan dê ji Girtîgeha Edîrneyê tehliye bibe. Li pêşiya girtîgehê komek qerebalix ku siyasetmedar jî di nav de ne li benda Mizrakli ne.
Siyasetmedar û bijîşkê naskirî yê Kurd Selçûk Mizrakli di hilbijartina xwecihî ya sala 2019an de wekî Hevşaredarê Bajarê Mezin ê Amedê hatibû hilbijartin. Di meha Tebaxa 2019an de qeyim tayînî şûna wî hate kirin. Piştî 5 mehan bi ser hilbijartinê re derbas bû di 21ê Cotmeha 2019an de hate binçavkirin û 22yê Cotmehê de hate girtin.
Ev 7 sal û nîv in girtî ye. Ev 4 sal û nîv in jî li Girtîgeha Edîrneyê ya Tîpa Fyê bi Hevserokê HDPê ya berê Selahattîn Demirtaş re tê ragirtin. Piştî 7 salan Selçuk Mizrakli dê ji girtîgehê di van kêliyan de tehliye bibe. Bi sedan kes li pêşiya Girtîgeha Edîrneyê li benda Selçuk Mizrakli ne. Parlamenter û rêveberên DEM Partiyê, rêveberên HDK, DBP, malbata Selçuk Mizrakli, Dayikên Aştiyê û gelek welati ji şeveqê ve bi kulîlkan li pêşiya girtîgehê sekinîne. Gelek welatiyan texsiyên xwe bi wêneyên Selçûk Mizrakli û Selahattîn Demîrtaş û nivîsên cuda xemilandine.
