Hunermend Delîl Cemalî şorişê kezîyan ser o deyîreka bi nameyê “Kezîyên Keça Kurd” viraşte ke vera hovîtîya HTŞ û DAIŞ’î ameyo destpêkerdene.
Çeteyê hov ê HTŞ û DAIŞ’î Rojavayê Kurdîstanî de hêrişê merdimîye kenê. Çeteyê hovî bi taybetî zî cinîyan kenê hedef û wazenê îradeyê şarê kurdî bi kerdişanê xo yê gemarinan bişiknê. Dima ke medya dîjîtal de çeteyêk vîdeoyê qesnayîşê kezîya şervanêka kurd a YPJ’yî pare kerd, cinîyanê kurd cade helwêstê xo mojna û kerdişê gemarinî şermezar kerdê. Cinîyanê kurd kampanyaya “Şima kezîyêk qesnenê, ma do bi hezaran gêsî bikerê” daye destpêkerdene, porê xo gêsî kerd û medyaya dîjîtal ser o pare kerd.
Hunermend Delîl Cemal ê Başûrê Kurdîstanî deyîrêk kampanyaya şorişê cinîyan ser o deyîra bi nameyê “Kezî” viraşte. Klîbê deyîra bi nameyê “Kezîya Keça Kurd” hetê Dana Helebçeyî ra ameya amadekerdene. Deyîre de şorişê cinîyanê kurd û xoverdayîşê cinîyan yeno vatene.
Vatişê deyîre wina yê:
“Kezyekanî Keça Kurd amilî serkewtin e
Bo çar parçê Kurdistan hewarî yekgirtin e
Kezyekani Keça Kurd bawerî azadî ye
Deste bendî dest tifengî sengerî şanazî ye
Kezyekanî Keça Kurd îlhamî giyanbazî ye
Bo hiwayî gelê Kurd beyraxî serbestî ye”
