Bi desan welatijê qerargehêkê Koalîsyonê Mîyanneteweyî yê Hesekê de seba protestokerdişê bêvengîya hemverê qirkerdişanê vera kurdan çalakîya roniştişî kerd. Cinîya kurd Sîdem Mihamed vera bêvengîya qirkerdişê vera kurdan a koalîsyonî dest bi grevê vêşanîye kerd.
Çeteyê HTŞ û SMO’yî ke girêdayeyê Tirkîya yê taxanê kurdan ê Eşrefîye û Şêxmeqsûd de qirkerdiş kerd. Hêzê koalîsyonî zî vera nê hêrişan bêveng mendê. Cinîya kurd Sîdem Mihamed vera bêvengîya seba qirkerdişî kona roniştişî ya Qesrika dewa Til Bayderî ya Hesekê de dest bi grevê vêşanîye kerd.
‘Vera bêrûmetî wirzê lingan ser’
Sîdem Mihemed ANHA rê qisey kerd û wina vat: “Koalîsyon deyndarê ma yo seba ke ma vera terorî şer kerd û ma bi hezaran ciwan û merdimê xo feda kerdê. La ewro ma bêvengîya mîyanneteweyî reyde rî bi rî yê. Her kesêk wesfanê kurdan dano ka seba qirkerdişan bêveng manenê. Ganî kurdî îxanet û qirkedişî qebul nêkerê û vera bêrûmetîya ke cenazeyanê ma rê ameye kerdene, wirzê lingan ser o.”
