Komîteyê Xoser ê Heqanê Merdiman ê Herêma Kurdîstanî eşkera kerd ke erjnayîşanê Mela Mezherî ke bêrêzî vera şervanêka cinî kerda do dewa akerê.
Komîteyê Xoser ê Heqanê Merdiman ê Herêma Kurdîstanî derheqê erjnayîşanê Mela Mezherî yê vizêr ke vera şervanêka cinî bêrêzî kerda, eşkerayîyêk vila kerd.
Eşkerayî de nê çîyî ameyê vatene: “Çi heyf ke mamosteyêkê şaristanê Hewlêr ê bi nameyê Mela Mezher Tahîr kanalêkê medya de vera cinî, rol û cayê cinî bêrêzî kerde. Bi rayîrê medya rolê cinîyan kêm kerdo û cinî sey xizmetkara keyeyî pênase kerd ke wezîfeyê aye tena keye yo. Nê vatişî bi temamî vera vatişanê dînî, vera heqanê merdiman û rûmetê cinîyan ê. Seba nê heqaretan ma do ey rê dewa akerê. Nê vatişê Mela Mezherî vera madeyê 14. ê destûrê Îraqî yê ke nê madeyî de bi eşkera behsê têduştîya cinî û camêrdan keno.”
Komîteyê Heqanê Merdiman vengda dîyanet û yewîya zanayan ke vera kesanê ke bi nameyê dînî binpaykerdişê vera heqanê şar û cinîyan kenê, vinderê.
Peynîya eşkerayî de nê çîyî ameyê vatene: “Ma bi hişk vera nê tewir erjanyîşan ê û înan şermezar kenê. Ma cinîyan rê rêze gênê û ma do rolê cinîyan berz bikerê.”
