Rêxistinanê cinîyan ê Rojhelatê Kurdîstanî numayîşî sey dewamê serewedartişê “Jin Jîyan Azadî” pênas kerdî û hêrişê vera çalakîkeran şermezar kerdê.
6 rêxistinanê komelê sîvîlî yê cinîyan ke şaristananê Sine, Seqiz û Merîwan yê Rojhelatê Kurdîstanî de falîyet rayra benê, derheqê protestoyan ke Îran û Rojhaletê Kurdîstanî de yenê kerdene, eşkerayîya hempare pare kerd. Cinîyan protestoyî sey dewamê serewedartişê “Jin Jîyan Azadî” pênas kerdî û vat çalakîkerî semedê pawitişê cuya komelkî, heqanê debarî û heqanê cuye vejîyayê kuçeyan.
Eşkerayîye de wina ame vatene: “Rewşa Îranî netîceyê polîtîkayanê şîdetî ke hukmatê Îranî semedî pawitişê îqtîdarê xo bi hewayêko sîstematîk rayra beno, vejîya orte. Nê polîtîkayî numayîşanê aştîyaneyan sey tedhît vînenê û vera guleyan û irewtişan cewabê ci danê. Çalakîkerî wazenê wa îqîtîdaro ke tedaya şarî keno, birijîyo. Ganî pêro cinîyê kurdî paştî bidê çalakîkeran. Semedê ameyoxo ke yeno waştene yewîye û têkoşîno hempar hewce keno.”
