Komela Rewşa Cinîyan a Piştgirîye (DAKAHDER) bi hemkarîya 15 baroyan raporê “Şaristananê Herêmî de Xoresnayîşê Edaletî yê Cinîyan: Xizmetê Hetkarîya Edlî” eşkera kerd.
Komela Rewşa Cinîyan a Piştgirîye (DAKAHDER) çarçewaya projeyê xo yê “Bihêzkerdişê Kapasîteyê Huqûqî yê Têkoşînê Vera Şîdetî yê Rolê Zayendî ser o” raporê xo yê bi nameyê “Şaristananê Herêmî de Xoresnayîşê Edaletî yê Cinîyan: Xizmetê Hetkarîya Edlî” eşkera kerd. Seba parekerdişê raporî awanîya ÇandAmedî de kombîyayîişê çapemenî organîze kerd. Rayber û temsîlkarê DAKAHDER’î, endamê Varoyê Amedî, Baroyê Şirnexî, Baroyê Mûşî, Baroyê Agirî, Baroyê Îdirî, Baroyê Sêrtî, Baroyê Bêdlîsî, Baroyê Êlihî, Baroyê Mardînî û Baroyê Semsûrî beşdarê kombîyayîşî bîyê. Rapor bi piştgriîya Konsolosxaneyê Swêdî û bi hemkarîya 15 baroyan ameyo amadekerdene. Rapor tena bi ziwanê tirkî hetê avûkat Cansel Talay ra ame wendene.
‘Dewlete hetlarîya edlî nêana ca’
Cansel Talay dîyar kerd ke şaristananê herême de warê sîstemê hetkarîya xizmetanê edlî de dewlete wezîfeyê xo nêana ca û wina vat: “Baro, rêxistinê cinîyan û avuatê zerrîwazî bi fedakarîyêka girde lingan ser o vindenê. Xoresnayîşê edaletî yê cinîyan bi cehdanê şexsî û nîyetanê baş nêyena kerdene. Ma bi nê raporî; berpirsîyarîya rayedaran anê vîrê înan û raya pêroyî rê eşkera kenê ke wa na wezîfeya berpisîyaran bêra zanayene. Hezar cinîyî ke şaristananê herêmî de ciwîyenê, înan ra tena yewe eşkena xo biresna alîkarîya edlî. Cinîyî ke prosesê veradayîşê mêrdeyê xo de nêeşkenê xo biresnê avûkatan. Şaristananê herêmî de xoresnayîşê hetkarîya edlî goreyê nisbetê Tirkîya se ra 55 kêmêr o. Amed de seba cinîyêk hetkarîya huqûqî ya serrane tena 12 lîra ya. Dewlete hetkarîya edlî seba cinîyan nêana ca. Herinda îqtîdar û dewlete de baro û avûkatê zerrîwazî hetkarîya edlî danê cinîyan.”
