Morîtanya de ke çalakîkerê heqanê cinîyan benê hedef, destbendkerdişê Dienaba Ndioum bi sebebê nerazîbîyayîşê neteweyî û mîyanneteweyî. AFCF’yî vengdayîşê qedînayîşê zilmî kerd.
Morîtanya de pawitoxanê heqanê cinîyan ser o zilm vêşî beno. Tewr peyên çalakîkera namdare Dienaba Ndioum seba beşdarîyêka nûmayîşêko aştîyane de ameye destbendkerdene. Komela Cinîyan ke Eşkenê Keyeyê xo rê Xizmet Bikerê (AFCF) bale ant destbendkerdişanê neheq ser o û dîyar kerd ke no kerdiş seba bêvengkerdişê cinîyan û astengkerdişê cuya înan a gêrayîşê heqanê xo ser o yeno kerdene.
‘Zilm nêeşkeno bibo çareserî’
Eşkerayî de ame vatene ke zordarî çareserî nîyo û meylê sînordarkerdişê azadîye rexne kerd. Eşkerayî de nê çîyî ameyê vatene: “Cinî û ciwanê ke bi cesaret heqanê xo û yê may, way û merdimanê xo pawenê, ganî sey sucdar nêrê vînayene. Vengê înan ke rastîye û hêvî xo de hewîneno, ganî bi rêzdarî bêro erjnayene û goşdarîkerdene. Peygoşkerdişê nê vengan tena neheqîye vêşî keno û îhtîmalê bedilîyayîşê rasteqînî asteng keno.”
Waştişê edaletî
Dewamê eşkerayî de ame vatene ke xeylê cinî şîdet û neheqî reyde rîbirî yê û seba heme cinîyanê Morîtanyayî waştişê edaletî kerd. Waştişê serbestveradayîşê Dienaba Ndioum û polîtîkayê zordar ê ke pawitoxanê heqanê merdiman kenê hedef, erjnayê. Eşkerayî wina ameye qedînayene: “Ma vengdayîşê ameyoxêk kenê ke tede heqê merdiman yenê pawitene û azadîya fikrî seba her kesî yena garantîkerdene.”
