Şaredarîya Amedî ya Şaristanê Girdî, Konservatûara Aram Tigran ke 9 serrî yo qeyûman giredabî newe ra aktîf kena. Wendekarî mabênê 1ê êlule-15ê teşrîna verêne de şênê muracat bikê.
Konservatûara ke 2010î de ame ronayene la 2016î de ame girewtene, nika Merkezê Kongre û Kulturî yê Çand Amedî de newe ra yena akerdene. Konservatûar de 6 beşan de (tîyatro, muzîk, muzîkê gedeyan, edebîyat, resim û sînema) bi ziwanê kurdkî perwerde do bêro dayene.
Seba beşê cîya-cîyayan emrê muracatî û mudetê perwerdeyî cîya yo. Mesela, tîyatro rê 20-30 serrî û 2 serrî perwerde; muzîk rê 17-25 serrî û 4 serrî perwerde. Kesê kurdkî nêzanê do yew serre tena dersê kurdkî bigîrê.
Netîceyê muracatan 20ê teşrîna verêne de do bêrê îlankerdiş. Perwerdeyî 27ê teşrîna verêne de dest pêkenê, beşê muzîkê gedeyan 25ê teşrîna verêne de dest pêkeno. Wendekarî telefon de bi numreyê 0412 502 90 18î ra zî şênê muracat bikê.
