Merkezê Hunerê Gedeyan tîyatroyê zazakî “Vewremêrdim” amade kerdo û do roja 29ê Kanûne de Merkezê Kongre yê ÇandAmedî de bêro pêşkêşkerdiş.
Merkezê Hunerê Gedeyan bi paştgirîya CultureCIVIC’î tîyatroyê muzîkalî “Vewremêrdim” amade kerdo. Nuştox û derhênerê tîyatroyî Veysel Aslanî va ke seba pawitişê zazakî ke goreyê UNESCO’yî binê tehlukeyê vindîbîyayîşî de yo, no tîyatro amade kerdo.
Aslanî dîyar kerd ke kayê ke taybetî seba gedeyan ameyo viraştene, do hem perwerdekerdiş û keyfkerdişê gedeyan de hem zî hişmendîya ziwan û kulturî de tesîrêko hewl biko. Ey veng da hemê gede û dadî-babîyanê Dîyarbekirî ke wa beşdarê tîyatroyî bibê.
Kay do roja 29ê Kanûne roja Yewşemeyî, saete 13:00 de Merkezê Kongre yê ÇandAmedî de bêro pêşkêşkerdiş.
