Hemsereka DBP’yî Çîgdeme Kiliçgun Uçar şayîya ‘Aştîye û Komelê Demokratîkî’ de va: “Ganî partîyê Meclîsî wayîrê prosesî vejîyê. Seserrêka bîne û erjê ke do vinî bibê çin ê.’’
Amed de serkêşîya Platformanê Dezgehanê Demokratîkan, Meclîsanê Ciwanan DEM Partî û DBP’yî de bi şîare ‘’Şayîyan Ciwananê Serkêşan û Komelê Demokratîkî’’ Amed de vizêr Rayraşîyayîşê Aştîye û Komelê Demokratîkî kerd.
Hemserekê DBP’yî Çîgdeme Kiliçgun Uçar û Keskîn Bayindir, wekîl û hemşaredarê DEM Partî û bi hezaran kesî bi slogananê “Bijî Serok Apo”, “Bê Serok jiyan nabe”, “Jin jiyan azadî” û “Ziman jiyan azadî” ver bi Meydanê Peyasî şîyî.
Girseyî bi telefonanê xo kuçeyî roşnî kerdî. Dima meydan de konser dîya.
Endama Meclîsê Ciwanan ê DBP’yî Sultane Yorulmaz konser de qisey kerd û ard ziwan ke ê do vengdayîşê Rayberê Şarê Kurdî Abdullah Ocalan ser o xo rêxistin bikerê.
Dima Hunermend Kasim Taşdogan vejîya sehne ser û deyîrî vatî.
Çîgdeme Kiliçgun Uçar zî şayîye de qisey kerd û va: ‘’Vengdayîşê 27ê Sibate pêro dinya de veng vet û hêvîya cuya azadîye vete werte. Meclîs de komîsyonêk ronîyayo. Ganî no komîsyon bi gamanê cesuran têbigêro. Azadîye û serwerîya huqûqî bingeyê komelê demokratîkî û aştîye yê. Ma hêvî kenê ke partîyê sîyasîyî wayîrê prosesî vejîyê. Seserrêka bîne û erjê ke do vinî bibê çin ê.’’
Çîgdeme ra dima Koma Hevra deyîrî vatî û girseyî pîya govende girewte.
