22 êzidî yê ke hetê DAÎŞ’î ra ameyê qetilkerdiş, siba (13 tebaxe) bi merasîmêk bêrê definkerdiş.
22 cenazeya êzidî yê ke hetê DAÎŞ’î ra serra 2014 de amebî qetilkerdiş, do bi merasîmêk 13 tebaxe de bêrê definkerdiş. 22 cenazeyê ke nasnameyê înan ameyî tespîtkerdiş; 4ê ci cinî, 18 zî camêrd ê. Nînan ra 10ê ci dewa Koçoyî ra yê, 2yê xo Tilizerî, 2 kesî Qin, 2 kesî Solax, 2 kesî Hamedan û Herdan ra yê, 4ê ci zî derûdorê dewanê Şengalî ra yê.
Cenazeyî ganî ewro (12 tebaxe) Sazgehê Edlî yê Musulî ra bêrê girewtiş û Şengal de merasîmêk bêro organîzekerdiş. Merasim de belgeyê kesê ke dinyaya xo bedelnayê bidê keyeyanê înan û dima ra zî cenazeyî do siba (13 tebaxe) bêrê definkerdiş.
