HPG’yî eşkera kerd ke di Fermandarê Akademîyanê Apolloyî, Metîn Arslan (Koçero Ûrfa) û pêşenganê Şorişê Azadîye yê Rojava Nûreddîn Sofî şîyê heqîya xo.
Goreyê xebera ANF’yî; Merkezê Resnayîş û Çapemenî yê HPG’yî bi eşkerayîyêk dîyar kerd ke Fermandarê Akademîyanê Apolloyî Koçero Ûrfa û pêşenganê Şorişê Azadîye yê Rojava ra Nûreddîn Sofî şîyê heqîya xo. Eşkerayî de ame dîyarkerdene ke Endamê Komîteya Merkezî yê PKK’yî û Fermandarê Akademîyanê Apolloyî Metîn Arslan (Koçero Ûrfa) 4ê teşrîna peyêne ya 2019î de hêrişêkê hewayî yê dewleta tirke de ke bi rêbazê sûîqastî kerdo, ey cuya xo vîndî kerda. Reyna eşkerayî de ame vatene ke şorişgiro kurd û û pêşenganê Şorişê Azadîye yê Rojava ra Nûreddîn Sofî zî 6ê nîsana 2021î de hêrîşêkê dewleta tirke de cuya xo vîndî kerda.
