Pêvînayîşê Heyetê DEM Partî yê Îmrali û Wezîrê Edaletî Yilmaz Tunçî dest pêkerd.
Pêvînayîşê Endamanê Heyetê Partîya Têduştî û Demokrasîyî ya Şaran (DEM Partî) yê Îmraliyî Pervîn Buldan, Mîthat Sancar û Fazîk Ozgur Erolî, Wezîrê Edaletî Yilmaz Tunçî dest pêkerd. Pêvînayîş Wezaretê Edaletî de yeno kerdene.
Yeno pawitene ke heyet pêvînayîşî ra pey eşkerayî bido.
Pêvînayîş saete 11:00î de dest pêkerd. Yeno zanayene ke pêvînayîşî de rewşa girewteyanê nêweş, qeraranê DMME û temînatanê qanûnî yê dimayê merasîmê îmkakerdişê çekan ê PKK’yî ser o bêro qiseykerdene.
Heyet do saete 12:00î de Merkezê Pêroyî yê Partîya Gelecekî de bi Hemserekê Pêroyî yê Partîya Gelecekî Ahmet Davutoglu reyde û dima ra zî saete 14:00î de Odaya Grûbe ya Meclîsî de bi Serekê Pêroyî yê MHP’yî reyde bêro têhet.
