Şaredarîya Amedî ya Şaristanê Girdî, serdemê hamnanî de seba gedeyanê 7-12 serran 8 beşan de atolyeyanê hamnanî yê bêpereyan dana organîzekerdene.
Serekîya Daîreya Karanê Sosyalan û Serekîya Daîreya Xizmetanê Sosyalan seba ke averşîyayîşê gedeyan zêde bikerê û gedeyan hunerî reyde bîyaro têhet, 8 beşan de bêpere atoleyayan organîze kena. Aşmanê temmuze û tebaxe de kursê ziwanî yê kurmancî û zazakî, kodkerdişo robotîk, resim, muzîk, kayê gedeyan ê tradîsyonî, rîtîm, kayê aqil û zekayî û drama do bêrê dayene.
Atoleyeyê ke do Parka Sumerparkî de bêrê dayene, do tede mamosta û perwerdekarê Mudirîya Pawitiş û Averberdişê Ziwanan dersan bidê.
Kursê ke do mîyanê hewteyî de bêrê dayene, ameyo plankerdene ke do 8 hewteyî dewam bikê.
Muracatî DÎSMEK ra yenê girewtene.
