Sînorê Kobanêyî, Pirsûs de meşêk virazîya, meş de Hemserekê Pêroyî yê DBPî Keskîn Bayindir aşkera kerd ke xoverdayişê Kobanêyî de ê îşxal qebûl nêkerdê û do hewna qebûl nêkerê
Tirkîya û qewetê paramîlîtîrî pîya hêrişê Rojawanî kenê, nê hêrişê Dewleta Tirk û çeteyan ser o sînorê Kobanêyî, qezaya Pîrsûsê Rihayî de meşêk virazîya. Meşî ra endam û aktîvîstê DBP, DEM, TJAyî beşdarî bîyê. Meşî de dowîzê “Biciwo xoverdayişê Rojawanî”, “Rojawan xêza ma ya sûrî yo” ameyê akerdiş.
Ma teslîm nêbenê
Meşî de Hemserekê Pêroyî yê DBPî Keskîn Bayindir qise kerd û vat ke ê 10 serrê verî hewna seba qezencê Kurdan ewta de bîyê, bi rojan xover dayê û wina vat: “Ma do hewna xoverdayişê xo gird bikerê, wazenê warê Rojawanî, warê qirkerdişî bikerê. Ganî fek na polîtîka ra vera bidê. Şima 10 serrê verî qezenc nêkerdê do şima hewna qezenc nêkerê. Qederê Rojawan û Kurdistanî yew o. Wa Dinya do xoverdayişê şarê Rojawanî ra bawer bikero.”
Keskîn wina qedîna: “Ma sey Surê Amedî, verê îşxalî de bibê suro qalîn. Her tim ruhê têkoşînî esto. Ma qewetê tarî de ewta ra hîşyar kenê, wa kayê xo yê lêşînî hewna kay nêkerê. Rojawan Dinyaye ra omîdêk o. No omidî zî do teslîmê tarîye nêbo.”
