Endamê Platformê yê Alîmê Dînî yê Îstanbulî ke hetkarî dayê, vengdayîşê Rayberê Şarê Kurd Abdullah Ocalanî rê, destnîşan kerdê ke wa heme beşê komelê verpirsîyarîya çareserî bi ca bîyarê.
Platformê Alîmî yê Dînî yê Îstanbulî va ke ê hetkarî danê vengdayîşê “Aştî û Komelo Demokratîk” ê ke Rayberê Şarê Kurd Abdullah Ocalan 27ê Sibate de bi rayîrê Heyetê Îmraliyî raya pêroyî rê resna. Endamê Platformê Alîmî yê Dînî yê Îstanbulî Ekrem Baran û Mehmet Emîn Aslan destnîşan kerdê ke wa heme beş verpirsîyarîya aştî bi ca bîyarê.
Seba aştîya çi bikewo ser milê ma, ma do bikê
Ekrem Baran aşkera kerd ke aştî seba heme bawerîyan avzel a û va ke wa rêz kultur û ziwanê her şarê bêro girewtiş, Baran destnîşan kerd ke heme beşê komelî eşkenî, pîya cuyayêk awan bikê û wina va: “Ma vengdayîşê Birêz Abdullah Ocalan zaf manadar vînenê, Îslam zî vengdayîşê aştîye keno. Hz. Muhammed Medîne ra muşrîk, misilman, komê bîn ard têhet û cuyayêka newe pê ard. Eynî demî de peynîya Şerê Hudebîyeye zaf kes verba aştî varişt la Hz. Muhammed va; do no pêameyîş zaf feydeyê ci ma rê bibo. Mekke û Medîne de aştî awan kerd. Dînê îslamî dînê aştîye yo.”
Mehmet Emîn Aslan zî wina va: “Nê tena Abdullah Ocalan, seba bidestvistişê na aştî wa her kes bi verpirsîyarî wardo. Rojhîlato Mîyanên, pêvajoyêka avzel ra derbas bena, bi xetereyê gird ra rî bi rî de yo. Dînê îslamî seba merdimeyîye fermanê aştîye dano, no şer. Ayetêk de yeno vatiş; eger mîyanê ci de, di taîfe mîyanê şerî de bibê, seba ci ya tewro avzel no yo ke şima înan pê bîyarê. Wa destê aştîye nêkewo erdî.”
