Vizêr şewe hêrişo ke vera Warê Gazî yê Kormorî ame kerdene, bî sebebê zerarêko gird ê madî.
Vera Warê Gazî yê Kormorî ke qezaya Çemçemalî ya Silêmanî de yo, vizêr şewe reyna bi dronan hêriş ame kerdene. Ame resnayene ke bi sebebê hêrişî zerarêko gird ê madî virazîya û berhemdayîş û îxracatê gazî yê warî ame vindarnayene. Ame zanayene ke hêrişî de kesî zerar nêdî û beşê berhemdayîşê LPGyî yê warî ame hedefgirewtene.
Herêma Kurdîstanî de elektrîk birîya. Wezaretê Elektrîkî yê Herêma Kurdîstanî dima eşkerayîyêk daye û vat ke bi sebebê hêrişî 2800 megawat elektrîk vindî bî.











