Wendekarê doktora yê Fakulteya Zanistanê Komelkîyan a Unîversîteya Tehranî Şahîn Şekûhî bi sebebê tedayanê zêdebîyayeyan ê unîversîte û rejîmî xo veşna.
Yewîya Wendekaranê Unîversîteya Tehranî dîyar kerd ke wendekarê doktora yê Beşê Sosyolojî yê Fakulteya Zanistanê Komelkîyan a Unîversîteya Tehranî Şahîn Şekûhî bi sebebê ke zaf reyî heyetê dîsîplînî rê ame vengdayene û bi sebebê tedayanê emnîyetî yê dezgehanê teberê unîversîte ke demêko derg o dewam kenê, vizêr saetanê teştareyî de vernîya awanîya Fooladî de xo veşna. Derheqê rewşa weşîye ya wendekarî de ke ame berdene nêweşxane, tu eşkerayî nêameye dayene. Îdareyê unîversîte zî derheqê na babete de bêveng maneno.
