Danê sibehê polîsan bi ser Şaredariya Bakirkoyê de girt. Serdozgeriya Komarê ya Bakirkoyê diyar kir ku bi sedema “gendeliyê” operasyon pêk hatiye û derbarê 68 kesan de biryara binçavkirinê heye.
Îro danê sibehê li dijî Şaredariya Bakirkoyê ya Stenbolê operasyonekî pêk hat. Polîsan bi ser şaredariyê de girt û hê jî di nava şaredariyê de lêgerîn didome. Serdozgeriya Komarê ya Bakirkoyê derbarê operasyonê de daxuyanî da. Serdozgeriyê diyar kir ku di îhaleyan de bêusulu pêk hatiye, şaredarî zirar dîtiye ûb i sedema “bertil û gendeliyê” operasyonekî daye dest pê kirin. Li gorî daxuyaniyê di çarcoveya operesyonê de derbarê 68 kesan de biryara binçavkirinê hatiye danîn. Heta niha 5 cîgir û 2 endamên meclîsa şaredariyê jî di nav de 37 kes hatine binçavkirin.
Lêgerîna kesên din didome.
