Fermandarîya Merkezî ya Hêzanê Amerîka da zanayîş ke planê înan yê hêrişê vera Îranî hazir o û ê tena emrê Koşka Sipîye pawenê.
Goreyê raporê rojnameyê The Hill, Fermandarîya Merkezî ya Hêzanê Amerîka (CENTCOM) seba hêrişêk vera Îranî zaf tercîhî hedre kerdê. Goreyê eynî rojnameyî, CENTCOM seba hêrişê vera hedefanê Îranî tena emrê Koşka Sipîye pawena.
Ame vatiş ke planê hêrişî Wezîrê Şerî yê Amerîka rê zî ameyo dayîşzanayîş. Çarçewaya naye de Serekê Amerîka Donald Trumpî zî rojanê peyênan de derheqê hêrişêko newe de raya pêroyî reyde tayê eşkerayîyî pare kerdî. Yeno zanayîş ke Îsraîl zî piştîdayîşê naye keno. Sewbîna Donald Trump seba ke waştişanê DYA Îranî ra bido qebulkerdiş, her roje eşkerayîyan dano û venga rejîmê Îranî dano ke teslîm bibo.
