Wan – Hemwelatijan ke tewrê Kongreyê Rêxistina DEM Partî ya Wanî bîyî, dîyar kerd ke heta ke azadîya fîzîkîye ya Rayberê Şarê Kurdî Abdullah Ocalanî ca nêro, proses qet aver nêşono û nêreseno netîce.
Rêxistina DEM Partî ya Wanî Kongreyê xo yê 3. yê Adetî bi tewrbîyayîşêko girse û coşêko pîl viraşt. Hemwelatijan ke tewrê kongreyî bîyî, derheqê Prosesê Aştî û Komelê Demokratîkî de ajansê ma rê qisey kerd û dîyar kerd ke garantîya bingeyêne ya çareserîyêka domdare azadbîyayîşê Rayberê Şarê Kurdî Abdullah Ocalanî ya.
Hemwelatijan îfade kerd ke şarê kurdan tim seba aştîye hazir o la heta ke azadîya fîzîkîye ya Rayberê Şarê Kurdî Abdullah Ocalanî ca nêro û şertê xebata azade ey rê nêrê awankerdiş, no proses qet aver nêşono û nêreseno netîceyêko raştikên.
Hemwelatijan bale ante rolê qerardarî yê Abdullah Ocalanî ser o û dîyar kerd ke seba awankerdişê bawerîya komelkîye ganî îqtîdar tavilî gamanê şênberan bierzo, sîyasetê qayûman biqedêno û waştişanê azadîye yê girewteyanê sîyasîyan bîyaro ca.
