Şaredarîya Farqînî û KASED’î “Pêdîyayîşê Cinîyan, Kede, Kultur û Hunerî” organîze kerd. Bernameyo ke do hîrê rojan dewam bikero, emşo Parka Rindêxane de bi deyîr, erbane û govende dest pêkerd.
Şaredarîya Farqînî û Komeleya Cinîyan a Edebîyat, Kultur û Hunerî (KASED) Parka Rindêxane ya qezaya Farqîna Amedî de çalakî û bernameyê “Pêdîyayîşê Cinîyan, Kede, Kultur û Hunerî” organîze kerd. Rayber û endamê DEM Partî yê qeza û xeylê hemwelatîyî beşdarê bernameyî bîyî ke do hîrê rojan dewam bikero.
Pêdîyayîşî de kede û karê cinîyan, berhemdayîş û piştîpêdayîşê cinîyan ame mojnayene. Cinîyan bernameyî rê eleqeyêko pîl mojna. Pêdîyayîşî de standî ameyî akerdene û cinîyan berhemê xo yê ke viraştbî, bernameyî de mojnayî.
Bername bi deyîr û govende qedîya.
