Hunermend Delîl Dîlanar do 30ê teşrîna verêne de Organîzasyonê Sanatça reyde Amed de konserêk bido.
Hunermendo kurd Delîl Dîlanar do 30ê teşrîna verêne de Organîzasyonê Sanatça reyde Merkezê Kultur û Kongreyî yê Sezaî Karakoçî (ÇandAmed) yê qezaya Yenîşehîr yê Amed konserêk bido. Konser do saete 20.00î de dest pêbikero.
Organîzasyonê Sanatça hesabanê xo yê medyaya dîjîtale de nê melumatî pare kerdî: “Hunermend Delîl Dîlanar Amed de şima reyde yo. Seba şewêka pirrê deyîran, hîsan û şabîye hazir bê. Ma do na şewa taybete de bi deyîranê xo bi kêfweşî û coşêko gird yewbînan bivînê.”
Heskerdoxê muzîkî do bieşkê bîletan platformanê Passo û Bubilet ra bigîrê.
Delîl Dîlanar do 25ê teşrîna verêne de zî Îstanbul de, Merkezê Nawîyayîş yê Bostanci de konserêk bido. No konser zî do saete 20.00î de dest pêbikero.
