Rêxistinên DEM Partiyê û DBPê yên navend û navçeyên Sêrtê û gelek kes serdana şîna Siddik Yilmaz ê ku duh li Amedê jiyana xwe ji dest dabû kirin.
Rêxistinên Partiya Wekhevî û Demokrasiyê ya Gelan (DEM Partî) û Partiya Herêmên Demokratîk (DBP) yên Sêrtê li mala şînê ya Lîmakê ya taxa Şakîran a navçeya Berwariyê serdana şîna Siddik Yilmaz ku duh li Amedê jiyana xwe ji dest dabû kirin. Di serdana şînê de gelek rêveberên partiyên siyasî yên bajêr, Dayîkên Aştiyê, TJA û gelek endamên saziyên sivîl ên civakî tev li bûn. Her wiha ji xeynî saziyên sivîl ên civakî, ji şêniyên navçeyên derdor ên cuda jî serdana şînê dikirin.
‘Em hem xemgînin hem jî serbilind in’
Hevserokê Rêxistina DEM Partiyê yê Sêrtê Kenan Bîlge sersaxî ji malbata Yilmaz xwest û got: “Em bi wefata wî hem xemgînin û hem jî pê serbilind in. Heta hefteyek berê jî ji bo civaka xwe xebitiye. Em hemû jî şahidê keda wî ne. Em li ber keda wî bejna xwe ditewînin, em ê tu carî mamê Siddiq ji bîr nekin. Em dîsa jî dibêjin, serê malbata wî, hemû hevalên me û gelê me sax be.”
Serdanên şînê di roja duyemîn de didome.
