DEDAŞê bi hinceta deynê ceyranê heye bi hejmareke zêde leşkeran re ketin gundê Qewsanê yê navçeya Stewrê trafoya ceyranê bi vînçê rakir û bi xwe re bir.
Şîrketa Belavkirina Elektrîkê ya Dîcleyê (DEDAŞ) bi hinceta ku welatiyên gundê Qewsan a navçeya Stewrê ya Mêrdînê fatûreyên ceryanê yên zêde hatine birîn nedane bi leşkeran re ketin taxê, bi vînçê trafo kir û bi xwe re bir. Li gor agahiyan welatî ji bo hewcedariya xwe ya ava vexwarinê û ya avdanê pompên sondajê yên ku bi ceyranê dixebitin çêkirin. Ji ber sondajan, fatûreyên ceyranê bi zêde hatine û deynê ceyranê yên giran nikarin bidin.
Welatiyan bertek nîşanî rakirina trafoyê dan û destnîşan kir ku bi rakirina trafoyê re binesaziya av û ceyranê hatiye astengkirin û gotin: “Rakirina trafoyê ne di qanûnan û ne jî di tu hiqûqê de tuneye. Ji ber ku li gundê me pirsgirêka giran a avê heye, em neçar in ku bi pompên elektrîkê ji bin erdê avê derxin. Sedema sereke ya hatina fatûreyên bilind jî ev neçariya me ye. Me pêvajoya hiqûqî da destpêkirin û serî li dozgeriyê da.”
