Muzaffer Ayatayî hûmara 9. ya Kovara Ozgur Halk de vat ke krîzê Rojhelatê Mîyanênî netîceya rasteraste ya sîyasetê hêzanê herêmkîyan û mîyanneteweyîyan o ke wazenê serdestîya xo bipawê.
Muzaffer Ayatayî nuşteyê xo yê bi sernameyê “Hemsengîyê Hêzanê Herêmkîyan û Tesîrê Înan ê Rojhelatê Mîyanênî ser o” de vurîyayîşê stratejîkî erjnayî. Ayatayî vat ke vera planê hêzanê hegemonîkan, rayîro tekane yê xelasîya şaran averberdişê projeyê çareserîya demokratîke û xoserî yo.
Ayatayî vat: “Krîzo ke rojeva Rojhelatê Mîyanênî de yo, tesadufî nîyo; netîceya rasterast a pêkewtişanê mîyanê hêzanê herêmkîyan û mîyanneteweyîyan o. Wexto ke hêzê herêmkî goreyê hesabanê îqtîdarî hereket kenê, krîz xorînêr beno û şarî zerar vînenê.”
Ayatayî vat ke çareserîyê ke bingeyê dewleta neteweyî ser o yenê tatbîqkerdene, şer û pêkewtişan xorîn kenê: “Yewîya demokratîke ya şaran û naskerdişê heqanê heme nasnameyan rayîro tekane yê awankerdişê haştî yo.”
Ayatayî dîyar kerd ke ameyoxê herême planê hêzanê hegemonîkan ney, îradeyê rêxistinbîyaye yê şaran do dîyar bikero: “Wexto ke şarê herême qîymetanê hemparan û azadîwazan ser o bibê yew, tu hêz nêşeno ameyoxê înan esîr bigîro.”
Ayatayî peynîya nuşteyê xo de venga xurtkerdişê têkoşîn û yewîye da: “Yewbîyayîşê şaran do haştîya domdare biyaro. Nika wextê ci yo ke ma bi îradeyêko xoser ameyoxê herême newe ra awan bikerê.”
