DFG’yî rojnamegere Nagîhan Akarsele yad kerde ke çar serrî verê cû Silêmanî yê Başûrê Kurdîstanî de ameye kiştene. DFGyî venga da ke faîlî eşkera bibê û bêrê muhakemekerdene.
Komela Rojnamegeran a Dîcle Ferat (DFG) serra 4. ya kiştişê Nagîhan Akarsele de eşkerayîyêka nuştekîye weşanaye. Nagîhan Akarsele endama Merkezê Cigêrayîşê Jîneolojî û rojnamegere bîye û 4ê teşrîna verêne ya 2022î de bajarê Silêmanî yê Herêma Federale ya Kurdîstanî de ameybîye kiştene. Eşkerayî de vera eşkeranêbîyayîşê faîlan reaksîyon ame nawitene: “Emserr zî sey hemkar û rayîrhevalanê aye, ma reyna venga danê ke kiştoxî bêrê dîyarkerdene û dadgehkerdene.”
DFG’yî eşkerayî de wina vat: “Serra 4. ya merdişê aye de, ma pêşengêka Çapemenîya Azade Nagîhan Akarsele bi hurmet, heskerdiş û hesretêka xorîne yad kenê. Têkoşînê azadî yo ke Nagîhan Akarsela ke vatêne ‘Ez serhatîperest a, nêvindena’ xo de dest pêkerdbî, ewro seba mîlyonan cinîyan beno rayîr. Cinî, rojnamegerê ke rayîrê aye ra şinê û wendekarê ke aye ra ders girewto, xeyalanê Nagîhan Akarsele têkoşînê azadîya cinîye de ciwîyaye tepişenê. Pênûsa Nagîhan Akarsele heme astanê çapemenîya azade de nuştişê xo dewam kena. Ma reyna tepşê xo newe kenê ke mîras û xeyalanê ke Nagîhan Akarsele ma rê verdayê, ciwîyaye verdê.”
