KCKyî bi wesîleya serrgêra 9. ya Mam Celal Talabanîyî mesajêk weşana û sozê xo newe kerd ke do têkoşînê azadîye yê Kurdîstanî de wayîrê mîrasê neteweyî û waştişanê ey yê haştî û azadîye bivejê.
KCKyî îfade kerd ke Mam Celalî yewîya neteweyî ya kurdan, têkoşînê azadîye û waranê sîyaset û dîplomasî de rolo muhîm kay kerd û vat: ‘’Serek Mam Celal Talabanîyî sey roşnvîr, şorişgêr, pêşmerge, fermandar û sîyasetmedarêkê serkewteyî morê xo da tarîxê 50 seran ê têkoşînê azadîye yê kurdan û Kurdîstanî ro.”
Eşkerayîye de bale ameye antene cedhkerdişanê dîplomatîkan ser ke Talabanîyî seba çareserîya meseleya kurdan rayra berdî û ame vatene prosesê dîyalogî yê mabenê Rayber Apoyî û serekkomarê Tirkîya yê dewrî Turgut Ozaladî de mabênçîye kerde. KCKyî vat Talabanîyî seba azadîya Rayber Apoyî xebatî rayra berdî.
KCKyî seba serkewtişê Prosesê Haştîye û Komelê Demokratîkî bale ante muhîmîya tecrubeyê Talabanîyî serû vat, ”Têkoşînê seba yewîya demokratîke ya kurdan, azadîya Rayber Apoyî û çareserîya demokratîke ya meseleya kurdan, yeno manaya wayîrvejîyayîşê mîrasê Talabanîyî. Ma serrgêra şehadetê ci yê 9. Serek Mam Celalî bihurmet yad kenê û soz danê ke ma do têkoşînê azadîye de wayîrê mîrasê ey bivejê.”
