Kovara Jîneolojî û MKG do endama Akademîya Jîneolojî û endama Heyetê Weşanî yê Kovara Jîneolojî Nagîhane Akarsel yad bikerê.
Rojnamegere, endama Akademîya Jîneolojî û endama Heyetê Weşanî yê Kovara Jîneolojî Nagîhane Akarsel 4ê teşrîna verêne ya 2022î de Silêmanîye de ameybî kiştene.
Hetê Kovara Jîneolojî û Komela Rojnamegeran a Cinîyan a Mezopotamya (MKG) ra, 4ê teşrîna verêne de seat 17.00î de seba Nagîhane Akarsel bernameyêkê yadkerdişî do bêro organîzekerdene. Bername do awanîya MEBYA-DERî ya Riha de bêro kerdene ke qezaya Xelîlîye de ya.
