Rojnameger û endama Heyetê Dîsîplînî yê DÎSK Basin-Îşî Derya Okatan ameye tepîştene.
Rojnamegere Derya Okatan Ankara de keyeyê xo de ameybî destbendkerdene. Badê destbendkerdişî, polîsan Derya Okatan arde Îstanbul. Seba îfadeyî Derya Okatan berde Edlîyeyê Îstanbulî, la dozgerîye bê ke îfadeyê aye bigîro, bi waştişê tepiştişî sewqê dadgerîye kerde. Dadgerîye zî derheqê Derya Okatan de qerarê tepîştişî da. Badê qerarî Derya Okatan ameye berdene bi hepisxane.
DÎSK Basin-Îşî derheqê tepiştişê Derya Okatan de eşkerayîyêk daye û dîyar kerd ke ê qerarê tepiştişî qebul nêkenê: “Rojnamegerî sûc nîya. Rojnamegerî seba ke xeberan virazenê yenê tepiştene. Tedayê ke çapemenîye ser o yê, her roje hîna giran benê, la ma na rewşe qebul nêkenê. Hemkara ma tena nîya. Ganî Derya Okatan bilez bêra verdayene.”
