Kombîyayîşê 63. yê Konseyê Heqê Merdiman ê Neteweyanê Yewbîyayeyan de, 46 welatî seba vindarnayîşê dardekerdişanê ke hetê rejîmê Îranî ra yenê kerdiş, eşkerayîyêk hempar vila kerd.
Rêxistina Heqê Merdiman a Îranî, raporêk ke 1ê teşrîna verêne 2026î de ame weşanayîş de, eşkera kerd ke 46 welatan eşkerayîyêka hempare weşana û nîspeto zêde yê cezayanê dardekerdişî yê ke hetê rejîmê Komara Îslamî yê Îranî ra yenê kerdiş şermezar kerd û waştişê vindarnayîş dardekerdişan kerd.
Goreyê raporî, na eşkerayîya hempare hetê temsîlkarê Liechtensteinî ra kombîyayîşê 63. yê Konseyê Heqê Merdiman ê Neteweyanê Yewbîyayeyan de, 30ê êlula 2026î de, ame pêşkeşkerdiş. Nameyê 46 welatan mîyanê îmzekeranê eşkerayîye de ameyî rêzkerdiş.
Eşkerayîye de ame dîyarkerdiş ke çalakîyanê çeleyî 2025î ra nat tewr tayê 31 çalakîlerî ameyî dardekerdiş û ame hişyarkerdiş ke ameyoxêko nêzdî de bi desan kesanê bînan, tede cinî û gede zî est ê, binê tehlukeya dardekerdişî de yê.
Welatê piştîdarî ke eşkerayîyê xo goreyê bingeya netîceyanê pisporanê ê Neteweyanê Yewbîyayeyan ser o awan kerd, qetî kerd ke cezaya dardekerdişî seba awankerdişê tersî, vernîgirewtişê çalakîkeran û astengkerdişê azadîya aştîyane ya xo îfadekerdişî û kombîyayîşan yena şuxulnayîş.
Eşkerayîye de 46 welatan fikarê xo derheqê dardekerdişan nimiteyan ser o ardê ziwan. Sewbîna binpaykerdişê heqan, dardekerdişê mehkema û îşkenceyê şermezar kerdê. Înan bale ante muameleyê xirabî, vindîkerdişan ser o û Îranî ra waştişê vindarnayîşê cezayanê dardekerdişî kerd.
