Amed – Tîyatroyê Şaristanî yê Şaredarîya Amedî ya Şaristanê Girdî, eşkera kerd ke ê do siba perdeya xo bi kayê “Moraşîn” akerê. Tîyatroyê Şaristanî yê Amedî programê tîyatroyê xo yê aşma teşrîna verêne zî eşkera kerd. Heskerdoxê tîyatroyî do pêroyî aşme de bieşkê kayanê cîya-cîyana temaşe bikerê.
Tîyatroyê Şaristanî yê Şaredarîya Amedî ya Şaristanê Girdî do aşma teşrîna verêne de bi programêko dewlemend heskerdoxanê tîyatro reyde bêro têhet. Programê teşrîna verêne yê tîyatroryê şaredarîye de kayê bi nameyê Moraşîn, Keçelok, Xewna Şeveke Havînê, Hişê Min Tevlihev Bû û Romeo û Julîet ca gênê.
Sezon bi Moraşînî dest pêkeno
Tîyatroyê Şaristanî yê Şaredarîye do perdeyanê sezonê tîyatroyî bi kayê “Moraşîn” akero. Kaye do 2 û 3yê teşrîna verêne de, saete 20:00 de, pêşkeşê temaşekerdoxan bibo. Kayê gedeyan ê bi nameyê “Keçelok” zî do 4ê teşrîna verêne de, saete 13:00 de, bêro mojnayiş.
Çarçewaya programê aşma teşrîna verêne de, kayê “Xewna Şeveke Havînê”, do 9-10ê û 16-17ê teşrîna verêne de, saete 20:00 de, pêşkeşê temaşekerdoxan bibi. Kayê gedeyan ê bi nameyê “Hişê Mi Tevlihev Bû” zî do 11 û 25ê teşrîna verêne de, saete 13:00 de, bêro mojnayîş. Kayê Keçelokî zî 18ê teşrîna verêne de, saete 13:00 de, do reyna pêşkeşê temaşekerdoxan bibo.
Romeo û Julîet mîyanê kayanê aşme yê peyênan de yo
Kayê bi nameyê “Romeo û Julîet” zî, ke eserê klasîk ê Shakespearî ke hetê Tîyatroya Şaristanî yê Şaredarîye ra yena kaykerdiş, do 23-24 û 30-31ê teşrîna verêne de, saete 20:00 de, sehneyî ser o bo.
Bîletî do bi rayîrê Biletinialî bêrê girewtiş
Heme kayî do Salonê M. Emîn Yalçinkaya û Merkezê Kultur û Kongreyî yê Çand Amedî de bêrê pêşkerkerdiş. Heskerdoxê tîyatroyî eşkenê bîletanê kayan bi rayîrê Biletinialî rê peyda bikerê.
