Hûmara 38. ya Rojnameyê Azadîya Welat nê hewteyî de bale ante tecrîdî ser o ke dewam keno û bi manşetê “Astengo gird tecrîd o” vejîya verê wendoxanê xo.
Rojnameyî hûmara xo ya 38. de bale ante tecrîdo ke vera Rayberê Şarê Kurdî Abdullah Ocalanî dewam keno û gamê ke nê 2 serranê peyênan de ameyî eştene ser o. Na hûmare de nirxnayîşanê wekîlanê DEM Partî Omer Ocalan û Mehmet Ruştu Tiryakî yê derheqê şertanê Rayber Apoyî û nêzdîbîyayîşê dewlete yê vera çareserîye de cayê xo girewt; sîyasetmedaran ard ziwan ke gamî erey yenê eştene û no prosesê haştîye fîneno talûke. Rojname xeber û roportajanê xo de zî derheqê prosesî de nirxnayîşê sîyasetmedaran weşanayî.
Rojnameyî rîpelê xo yê verênî de nuşteyê nuştoxan zî ardî vernî: nuşteyê Nesrîne Namdar “Ayetê Homayî zî nêşinasnenê”, yê Hisên Çatikkaşî “Awankerdişê erjan”, yê Prof. Dr. Abdulîllah Polatî “Ziwan nasname yo, la eynî wext de ruhê merdiman o”, yê Felemez Ulugî “Ver bi awankerdişê azadî û demokrasîye” û yê Cahît Kirkazakî “Çar binkomîsyonî û yew pers: Proseso demokratîk kotî de yo?”.
