Goreyê malumatanê ke Serokkomarê DYA Donald Trumpî pêşkêşê Kongreyî kerdî, DYA 20 aşman de bi bedelê 21,6 mîlyar dolaran çek rotî Îsraîlî.
Goreyê cigêrayîşê Unîversîteya Brownî, no mîqdar bedel û sînorê peymanê ke Serokkomarê verên Joe Bidenî mabênê teşrîna verêna 2023 û 2025î de îmza kerdbî vîyarnayo; goreyê doneyan ardimê çekan 17,9 mîlyar dolaran vîyarnayo. Bi nê çekan şerê Gazze de 50 hezar ra zêdeyêr kesî ameyî kiştene ke zafê înan gedeyî bîyî.
Goreyê doneyanê, çeleyê 2025î de 2,04 mîlyar, sibata 2025î de 7,4 mîlyar, hezîrana 2025î de 510 mîlyon, çeleyê 2026î de 6,67 mîlyar, adara 2026î de 650 mîlyon û gulana 2026î de 992 mîlyon dolar – bi pêroyî 21,6 mîlyar dolaran çek Îsraîlî rê ameyî rotene.
