Aktîvîst û rojnamegeranê Efrînî seba apeydayîşê keyeyanê şarê esîlî yê Efrînî ke nika dest dayo ser, kampanyaya “Keyeyê mi heqê min o” da dest pêkerdene.
Seba bale antîşê serê keyeyanê ke nika destê roniştoxanê Efrînî de yê û waştişê lezkerdiş û caardişê seba agêrayîşê keyeyan, şarê Efrînî medyaya dijîtal ser dest bi kampanyaya bi nameyê “Keyeyê mi heqê min o” kerd.
Kampanya vizerî 16 êlule de bi înîsîyatîfê aktîvîst û rojnamegeranê herêma Efrînî bi hashtagê # “Keyeyê mi heqê min o” dest pêkerd. Rojnamegeranê herêmî dîyar kerd ke seba destsernayîşê serê keyeyanê şarê esîlî yê Efrînî, hetê roniştoxan ra bi desan gerre û maneyî yenê kerdene û bi seyan keyeyî hema zî destê roniştoxan de yê.
Rojnamegeran dîyar kerd ke na kampanya bi amancê akerdişê dosyayê verê raya pêroyîya, waştişê ma peynîardişê rewşa destsernayîşan û apeygêrayîşê keyeyan ê şarê esîlî ameya dest pêkerdene.
Kesê ke na kampanya organîze kerda şarê esîlî yê Efrînî ra yê, înan waşt kesê ke paştî danê şarî Efrînî tewrê kampanya bibê. Vizêrî keyeyê ke destê wayîranê înan ra ameyê girewtene weşanayê.
