Li Stenbolê navçeyên Kuçukcekmece û Ataşehîrê ji bo şehîdên têkoşîna azadiyê bernameya bîranînê hate lidarxistin. Di bîranînan de peyama ku dê ew ê carî şehîdên xwe ji bîr nekin hate dayîn.
Bi pêşengiya Komeleya Yekîtî Çand Piştevanî û Alîkariyê ya bi Malbatên ku di Dergûşa Şaristaniyê de Xizmên Xwe Winda Kirine re (MEBYA-DER) ya Stenbolê ji bo endamên Tevgera Azadiyê ya Kurdistanê ku li dever û dîrokên cuda de jiyana xwe ji dest dane, li navçeyên Kuçukçekmece û Ataşehîrê yên Stenbolê bernameya bîranînê hatin lidarxistin.
Malbatê şehîdan, Dayikên Aştiyê, aktivîstên TJAyê, endam û rêveberên partiyên siyasî, nûnerên saziyên civakî û gelek welatî tev li bernameyên bîranînê bûn.
Li Kuçukçekmeceyê bername li avahiya DEM Partiyê hate lidarxistin. Di eywana bîranînê de li ser maseyan wêneyên şehîdan, Rêberê Gelê Kurd Abdullah Ocalan û qerenfîl hatin danîn. Li eywanê pankarta “Şehîd Namirin” hate daliqandin.
Bernameya ji bo şehîdan bi deqeyeke rêzgirtinê dest pê kir. Piştî rêzgirtinê axaftin hatin kirin. Rêveberên partiyên siyasî û saziyên sivîl diyar kirin ku ew ê her dem xwedî li şehîdên xwe derkevin û tu carî şehîdên xwe ji bîr nekin.
Piştî axaftinan li sînevîzyon ku qala têkoşîna cangoriyan dikare, hate temaşekirin û bername bi xwendina mewludê bi dawî bû.
