Zêdeyîrê 100 girewteyanê sîyasî yê verênan, aktîvîstanê sîyasî û pawitoxê heqê merdiman, rojnamegeran û aktîvîstanê zereyî û teberê Îranî ra, mektubêka hempare weşana û waştişê vindarnayîşê dardekerdişan, veradayîşê girewteyanê sîyasî û qedênayîşê şerî kerd.
Zêdeyîrê 100 girewteyanê sîyasî yê verênan, aktîvîstanê sîyasî û pawitoxê heqê merdiman, rojnamegeran û aktîvîstanê zereyî û teberê Îranî ra, mektubêka hempare weşana. Girewteyê verênan piştîdayîşê xo seba helwestanê xo mektubake 20ê tebaxe de ame weşanayene de dîyar kerd.
Mektuba ke bi sernuşteyê “Şerê emperyalîst û dardekerdişanê dewlete biqedênê” ya, hetê xeylî kesayetanê mîyanneteweyîye yê sey Angela Davis, Judith Butler, Kiana Yamata Taylor û Raşid Xalidî û xeylî akademîsyen û avûkatan ra ame îmzakerdene.
Mektuba ke vizêrî ame weşanayene de, îmzekerdoxî Îranijî yê ke piştîdayîşê xo mektube reyde eşkera kerd, tekez kerd ke ganî şarê Îranî mecbûr nêmano ke ‘hêrişê leşkerî û ekonomîkî yê teberî’ û ‘vindarnayîşê dewlete’ ra yewî weçîno. Îmzekerdoxan waştişê qedênayîşê dardekerdişan, veradayîşê girewteyanê sîyasî, qedênayîşê şerî û qedênayîşê ‘cezakerdena kolektîf’ a vera şarê Îranî kerd.
Mîyanê îmzakerdoxanê mektube de verfekê Yewîya Mamosteyanê Îranî Mihemed Hebîbî, nuştox Reza Xandan; komelnas û girewteyo sîyasî yo verên Seîd Madanî, rejîsor Şehrzad Arşadî, Mansour Behkîş a Keyeyanê Haveran ra, girewteya sîyasî ya verêne Athena Daemî, Janet Afarî, Turaj Atabakî, Hamîd Akbarî; Nayra Tawhidî, Fatama Şems û Parestu Foruhar ca gênê.
