Semedê kûrbîyayîşê tengezarîya mabenê Îran û DYA’yî, Washîngton planê xo yê leşkerî yê herême vurneno. Ame eşkerakerdene ke Pentagonî wezîfeyê yewîneyanê leşkerî yê Rojhelatê Mîyanênî bi hawayêko bêveng derg kerdo û seba pêkewtişêko dem dergan hedrekarîyan keno.
Goreyê xebera rojnameya Wall Street Journal (WSJ) ke agahîyan resnena çimeyanê ewlekarîye, Wezîrê Pawitişî yê DYA’yî bi serektîya Pete Hegseth, wextê mendişê leşkeranê ke Rojhelatê Mîyanenî de ameyê cakerdene, derg kerdo. Ame îdiakerdene ke Hegseth taybetî wextê mendişê tayê yewîneyanê derûdorê Neqebê Hurmuzî de bi hawayêko bêvengî derg kerdo.
Îdiaya ‘hedrekarîya şerêko demderg’
Çimeyê ke agahî dayê rojnameyî dîyar kerd ke amanco esasî yê na game no yo ke, vera Îranî de, weçînekê leşkerî yê tewir bi tewir Serekê DYA’yî Donald Trumpî rê bêrê pêşkeşkerdene. Dergkerdişê şerî ra, Pentagonî planê xo yê cakerdena herême hîra kerd; tede keştîyê şerî, yewîneyê pawitişê hewayî û leşkerê paraşûtî zî est ê ke do demêko derg herême de bimanê.
