Hêzanê Îsraîl 3 welatijê Gazzeyî gulebaran kerd û rojhelatê şaristanê Gazze û vakur û rojhelatê kampê El Beryecî zî bombarduman kerd.
Dezgehê resnayîşê yê Filîstînî eşkera kerd ke hêzanê Îsraîl ewro (şeme), Gazze bombarduman kerda û sîvîlî dayê verê gulan.
Sewbîna eşkerayîye de ame vatene ke hêzanê Îsraîl herêma rojhelatê Gazze vakur û rojhelatê kampê El Beryecî bombarduman kerd.
Goreyê ajansê xeberan ê Filîstînî (Wefa) başûrê Gazze de zî ciwanê bi nameyê Îbrahîm Mihemed Kewareî (29 serre) herêma Qîzan El Necar ke kewena başûrê şaristanê Xan Yûnis ser, bi destê hêzanê Îsraîl birîndar beno û dima ra wefat keno.
Heyva Sûrî yê Filîstîn vat wexta cenazeyê Îbrahîm Mihemed Kewareî anê Komeleya Nasirî ya weşîye ya Xan Yûnisî dest û lingê ey girêdaye bî.
Şaristanokê Seîr de, rojhelatê El Xelîl yê rojavayê Gazzed de zî gedeyêko 17 serre hetê Îsraîlî ra ame kiştiş. Sewbîna, şaristanê Cinîn de, hêzanê Îsraîlî mêrdeyêko 58 serre da verê guleyan û kişto.
