Amed – Zarokistananê 450 Evler û Bagcilar ê ke binê banê Şaredarîya Amedî ya Şaristanê Girdî de xizmet danê de, seba dewrê perwerdeyî 2026 û 2027î muracatî dest pêkerdî.
Zarokîstanê ke binê banê Şaredarîya Amedî ya Şaristanê Amedî de xebatanê xo rayra benê, dewrê perwerdeyî yê neweyî de do bi domanan rê, programê zafziwanî û bingeyê ziwanê dayîke ser o xebatan virazê. Zorakîstanan de qeydkerdişê domanan 3-6 serran do bi nêzdîbîyayîşê kay,ziwanê dayîke, kultur, huner û tewrbîyayîşê domanan bêro rayraberdiş. Domanî çarçewaya perwerdeyê verwendegeh de do tewrê komxebatanê drama, muzîk, şano, felsefe, spor, û hunerî dîyayîşkî bibê. Kay xoîfadekerdiş, têkilîyê bi embazan rê, xo rê miqatebîyayîş, keşf û afirînerî zî do çarçewaya komxebatan de ca bigîrê.
Zarokistanan de arayî, werdê nêmrojî û werdê mabenî yê domanan do goreyê programê diyetîsyenanê pisporan bêrê amadekerdiş.
Çalakîyî do zafziwanî bê
Zarokistanan de xebatê verwendegehî do bi şeklêko zafziwanî û bingeyê ziwanê dayîke ser o bêrî rayra berdiş. Dîzaynê dormeyî do bi hawayêko winasî bêro amadekerdiş ke domanî bieşkê xo îfade bikê, embazanê xo reyde têkilî ronê û meraq û afirînerîya xo aver berê.
Badê erjnayîşê muracatan, goreyê komanê emrî ra do lîsteya cagirî zî bêrê amadekerdiş. Kesê ke lîsteya esîl de ca gênê wexto ke qeydê xo nêkerê yan zî hûmara domanan ê qeydkerdeyan kêm bîyo, domanê ke lîsteya cagir de ca gênê do seba qeydkerdişî înan bêro vengdayîş. Muracatî do înternetî ser o de bi hawayêko online bêrê girewtiş.
