Tehlîyeya Îrfan Yilmazî yo ke sera 96 astengdar o, rixmê raporê ATKyî bi sebebê “Nêşîyo koxuşê xoserî’’ ame redkerdene.
Waştişê peydeştişê înfazê Îrfan Yilmazî yo ke sera 96 astengdar o, rixmê raporê Dezgehê Tibê Edlî (ATK) hetê Serekîya Heyetê Îdare û Çimdarî yê Zîndanê Marmara ra bi sebebê “Nêşîyo koxuşê xoserî’’ ame redkerdene.
Vasîyê Îrfan Yilmazî, Hasan Toganî ke ANFyî rê qisey kerd, vat “Nêweşîya Yilmazî ya palsî est a, kulsuyê gogerinî de yo, dest wasilê ci nêtepişenê û nêeşkeno tena miqatê xo bo. Eşkera yeno waştene ke mergî rê bêro caverdayene. Nê şertî cuya ci ser o tesîrê giranî kenê. Ganî cade serbest bêro veradayene.”
Toganî vat Yilmaz ganî 2025î de biameyênî tehlîyekerdene la înfazê ci heta 2027î ame dergkerdene û şermezar kerd ke herinda raporê ATKyî de zabitê mudirîya polîsan ame esasgirewtene.
