Hunerê Azadî, seba Hemleya 15ê Tebaxe berhemê xo yo newe ê bi nameyê “Ji Wê Ve Tê” yo ke verê seba şervananê YPJ’yî û seba heme cinîyanê ke têkoşînê azadîye de ca gênê dîyarî înan kerde.
Hunerê Azadî, berhemê xo yo newe ê bi nameyê ‘Ji Wê Ve Tê’ yo ke seba Hemleya 15ê Tebaxe amade kerdo, weşana. Berhem, verê seba şerwananê YPJ’yî, seba heme şervananê cinîyan ke têkoşînê azadîye de ca gênê dîyarê înan ame kerdene.
Vateyê berhemî yê Hekîm Sefkanî yê, muzîkê ci zî hetê Hekîm Sefkan û Serhat Hulaku ra amade bî. Berhemo ke hetê Hekîm Sefkan, Xezal û Dîyar Mehrovî ra yeno vatene, bi melodî û vajîyayîşo otantîk amade bîyo; hîkaye behsê cinîyêka ciwane ke tewrê sefanê têkoşînî bîya, qalê xoverdayîş, cesaret û rayraşîyayîşê azadîye yê cinîyan keno.
Binawanîya teknîkî yê berhemî hetê studyoyê Artrecordsî ra amade bî û klîbê ci Rojava de ame antene. Rejîsorîya klîbî Doz Şêxî kerd, aranjman, intro û muzîkê mîyanênî zî hetê Ahmet Tabarî ra ameyî amadekerdene.
