Şaristanê San Jose del Palmar ê wîlayetê Chocó yê Kolombîya de, 10ê tebaxe de bi girdîya 7,4 erdlerzêk virazîyabi. Ame zanayene ke erdlerz de tewr tay 265 kesî cuya xo ra bîyî. Ame eşkerakerdene ke 496 kesî zî vîndîyayeyê.
10ê tebaxe de Sazgehê Cigêrayîşê Jeolojî yê Amerîka eşkera kerd ke saete 09:34 de bi girdîya 7,4 de şaristanê San Jose del Palmar ê wîlayetê Chocó yê Kolombîya de, xorînîya 107 kîlometreyî de erdlerzêk virazîya. .
Sazgehê Jeolojî yê Kolombîya zî dîyar kerd ke no erdlerz tewr bihêz o ke seserra 21. de nê welatî ameyo qeydkerdene.
Goreyê xebera EL TIEMPO’yî, erdlerz de hetanî nika 265 kesî cuya xo ra bîyî, sewbîna 3 hezar û 494 kesî birîndar bîyî û 495 kesî zî vîndî bîyî.
