Fotografê hunermenda Kurd ê Rojhelatê Kurdîstanî, Evîn Abbasî, bi xebata xo ya bi nameyê “Kewtiş qedexe yo”, mîyanê 41 fînalîstanê LensCultura 2026î de ca girewt. No eser, mîyanê se hezar muracatanê 124 welatan ra ameyo weçînayîş û musabeqaye ke tewr prestîjin ê fotografkêşî yê dinya ra yewe de resayo qonaxê fînalî.
Fotografê hunermenda Kurd yê şaristanê Bane yê Rojhelatê Kurdîstanî, Evîn Abbasî, bi eserê xo yo bi nameyê “Kewtiş qedexe yo”, musabeqaya mîyanneteweyî ya fotografan ê LensCultura 2026î de, ke tewr prestîjin ê fotografkêşî yê dinya ra yew o de resa qanaxê fînalî.
Evîn Abbasî, eşkerayîya xo ya hesabê Instagramê ser o de eşkera kerd ke projeyê aye yo bi nameyê “Kewtiş qedexe yo”, mîyanê se hezar muracatanê 124 û panc qitayan ra ameyo weçînayîş û mîyanê 41 fînalîstanê peyînan ê musabeqaye de ca girewto.
Evîn Abbasî, xebata xo ra fotografêk vila kerd û dîyar kerd ke resayîşê qonaxê fînalî seba aye rûmetêko gird o.
Musabeqaya Fotografan ê LensCulturî, her serre bi tewrbîyayîşê fotografkêşanê namdaran ê dinya yena viraştene. Musabeqaya Fotografan ê LensCulturî, warê mîyanneteweyîye de, mîyanê rêxistinê tewr birûmet û prestîjin ê fotografkêşîye de ca gêna.
Evîn Abbasî, ke bi xebatanê xo yê bi babetanê komelkî, merdimîye û nasnameye ser o yena naskerdene, xebatanê fotografkêşîye bi serran o rayra bena. Tecrubeyanê cuye û problemanê komelkî ana verê çimanê merdiman. Eserê hunermende bale ancenê û hetanî nika xeylî çalakî û nawitgehan de ameyê mojnayîş.
