DÊRSIM- Festîvala Kultur û Xoza ya Munzurî ya 24. roja 4. de panelê xoza reyde dewam kena. Panel de talanê xozaya Dêrsimî serr o bale ameye antiş û vat: “Herkes gera wayîrê xozaya xo vejîyê.”
Festîvala Kultur û Xoza ya Munzurî ya 24. roja 4. de bi sloganê “Seba Vîr û Cuya Azade; Ma xoza, zîwan, kultur û bawerîya xo rê wayîr vejîyenê’ merkezê Dêrsîmî de bi panelan dewam kena. Panel bi sloganê “Tehlukeya Talanê Eklojîkî de Xozaya Dêrsimî” ame viraştene. Moderatorîya panelê Platformê Seveknayîşî yê Munzurî ra Yusuf Zîya Demîrçîyî kerd. TMMOB ra Dêrsim Gul, Komelê Derûdorî ya Munzurî ra Hatun Esen, Rêxistina Ekolojî ya DEM Partî ra Agît Ozdemîr, Parlamentera Îstanbulî Partîya Newîye ra Evrîm Rizvanoglu sey qiseykerdox beşdar bîyî.
‘Herkes seba xozaya xo têkoşîn dano’
Panelîst Hatun Esen vat ke qedexeyê vejîyê destê kesanê sermayederan mird keno û talankerdişê xoza hîna zaf zêde keno. Hatun Esenî dîyar kerd ke tekoşînê ekolojî zaf zêde bîyo û wina domna: “Tîya herkes seba xozaya xo tekoşîn keno çunke mordem wexto ke hardê xo ra vejîyeno heyat ci rê beno zehîr. Badê qetlîamê Dêrsimî wextê 90î de bi manayê ‘asayîşî’ mordeman cayan înan ra surgun kerd. Emser zî talankerdişê xoza zaf zêde bîyê. Dêrsim de heta ke ocaxê madenî ra sermayegozarî keno vat mordeman ra sermayegozarî bikerrê. Cuya mordeman ra kendiş piro dayene. Herkes gere wayîrê xozaya xo vejîyo. Munzur teyna yew robar nîyo. Dêrsim hedefê şîrketen de yo.”
‘Ma pawitişê welatê xo dewam kenê’
Dêrsim Gul zî bale ant tehlukeyê xoza ser o û vat: “Dinya binê tehdîdî de ya. Problemê îklîmê problemê pêro dinya yo. Kapîtalîzm û Polîtîkayê neolîberal probleman çareserkerdişê ekolojî zafêr zehmet kenê. Zaf cayê welatê ma talan bîyo. Ma pawitişê welatê xo dewam kenê.”
‘Êdî cengê awe beno’
Agît Ozdemîr zî qiseykerdîşe xo de wina vat: “Awe ke nêba weşîye nêbena. Êdî awe roşenê, naye re tepîya Firat û Dîcle de jû dilopa awe Petrolî de zêde bena qiymetin. odî cengê awe bena. Cengê Îsraîl û Fîlîstîn de awe çiqas bîye qiymetin. Barajê Îlisû ra tepa verên ra towa nêmend. Newe bendan virazenê, êdî awe je çekû gurete destê xo. 1938 û 1994î de xeylê dewî bîyê talan. Şarê Dêrsimî qir kerdê. Nika bend virazenê, zern vetene, koyî rijîyenê, qirkerdiş nêqedîyeno. Îtîqatê Dêrsîm nê madenan ra tepîya beno xirabin.”
Parlamentera Îstanbulî ya Partîya Newîye ra Evrîm Rizvanoglu talankerdişê xoza ser o qisey kerd.
